Jemma’s POV
Nakakapagod ang mga araw na nagdaan. Ni hindi ko na nga naramdaman ang napakabilis na araw, dadalawin ko na naman si ita’y. Ang dami kasing mga tinrabaho sa prutasan dahil delivery na naman sa mga karatig barangay namin.
Sa mga ganitong oras, kasama ko dapat si Eros ngayon. Pero wala naman siya dito, ni hindi ko nga alam kung nasaan siya. Hindi ko naman siya mahagilap maging sa tubuhan, hindi rin siya nag-re-reply sa mga messages at tawag ko.
May mga ibang bagay na rin siyang ginagawa na hindi na niya ako sinasama. Hindi tulad dati na halos para kaming kambal na laging magkadikit. Kaya napagkakamalan din kaming magkasintahan dahil sa closeness naming dalawa.
Grade three ako noong magkakilala kami ni Eros, grade five naman siya noon. Simula noong dumating siya sa La Clarmen,
