NAKATITIG sa kisame ng opisina niya si Apolinario. Sa unang pagkakataon mula nang maging working adult siya, ngayon lang siya nawalan ng gana magtrabaho. At dalawang magkasunod na araw pa. Ni hindi siya makatulog ng maayos kasi palagi niyang naaalala si Sheila.
Ang frustration at galit na naramdaman niya nang gabing ihatid niya ang dalaga sa apartment nito ay naging guilt at regret. Lalo na kapag naaalala niya ang mga nakaraang buwan ng kanilang affair. Ngayong tapos na ang lahat saka lang niya narealize na ang panahong iyon ang naging pinakamasaya at pinakakomportableng mga buwan sa buhay niya. But even if it were the best months of his life, he knew that it has to end. Hindi lang niya inaasahan na hindi maganda ang magiging pagtatapos ng koneksiyon nila sa isa’t isa.
