Napamulagat na lamang si Kenjo nang lumagapak sa mukha niya ang kamay ni Ysabel.
“Happy New Year, John Kennedy,” sambit pa nito pagkuwa. Nanggagalaiti ang mga mata nito. Mayroon ding gigil ang bawat syllable na binitiwan.
Bumuntonghininga siya saka hinarap ang babae. “Wow. Thank you. Sobra akong na-touch sa regalo mo. Pero sana pati yung kaliwa kong pisngi, sinampal mo na rin para balanse.”
Napamulagat ito. Halatang lalong nainis. At umamba ng isa pang sampal pero mabilis niyang pinigilan ang kamay nito. Hinila niya ito palapit hanggang maging gahibla na lang ang layo nila.
“Anong problema mo?” tanong niya. He was looking down at her, palibhasa’y mas matangkad siya at nasa leeg lang niya ang babae.
“Let me go!” singhal nito habang pilit na binabawi ang kamay. “You piece of s**t!”
“Sa
