“Aleona, inom ka muna ng tubig.”
Aleona sighed deeply and looked at the driver’s seat. Nakita niyang nakatingin sa kanya si Sylas. Bakas sa mukha nito ang pag-aalala habang inaabutan siya ng bottled water.
Muli siyang bumuntonghininga saka kinuha ang bote sa lalaki. Habang umiinom siya, matama siyang pinanood ni Sylas.
Kakagaling lang nila sa isa pang OB-Gyne. Pinag-ultrasound naman siya sa pagkakataong ito, at sa awa ng Diyos, na-misdiagnose lang siya kahapon. Medyo nakahinga na rin siya nang maluwag dahil doon.
“Ayos ka na ba?” tanong sa kanya ni Sylas.
Tinapos niya ang pag-inom saka tinakpan ang bote. “Yes. Thank you sa pagsama mo sakin. Nag-absent ka pa talaga sa apprenticeship mo dahil doon. Nakaabala pa ako.”
Mahinang natawa ang lalaki. “Sabi ko naman sayo, di ba? Hindi ka kail
