Naging masaya ang maikling bakasyon ni Aleona palibhasa’y umuwi na ang mama niya na apat na taon na niyang hindi nakikita nang personal. Halos hindi siya maubusan ng ikwekwento rito, na kalimitan ay mga kalokohan ng mga kaibigan niya.
Samantalang, na-curious naman si Lydia sa mga kaibigan niya, kaya naman nang matapos ang bakasyon, sumama itong lumuwas sa kanya pabalik ng Maynila. Sakto rin kasing may bibisitahin itong kaibigan na nakatira hindi kalayuan doon.
Masaya namang pinaunlakan ni Aleona ang ina. Madaling araw sila ng Lunes lumuwas, at nakarating sila sa unit ni Ysabel ng bandang alas siete.
Nasa lobby pa lang sila at naghihintay na makasakay ng elevator, amaze na amaze na si Lydia. Halata raw kasing mamahalin ang condominium building na iyon.
“Sigurado ka bang limang libo lang
