Gabi.
Sa mismong araw na iyon—ang araw kung kailan bigla siyang hinalikan ni Lawrence.
Nakaupo si Meriam sa tabing dagat. Ang malamig na hangin ng gabi ay marahang dumadampi sa kanyang balat, ngunit tila hindi niya iyon gaanong nararamdaman.
Malayo ang kanyang tingin sa malawak na karagatan.
Malalim ang kanyang iniisip.
Hanggang sa mga sandaling iyon, patuloy pa ring gumugulo sa kanyang isipan ang nangyari kanina—ang biglaang paghalik sa kanya ni Lawrence.
Hindi niya inaasahan iyon.
Hindi kailanman sumagi sa kanyang isip na mangyayari iyon muli.
Unti-unting bumalik sa kanyang alaala ang mga nakaraan.
Naalala niya noong mga panahong magkasintahan pa silang dalawa.
Ang mga simpleng araw na puno ng pangako at pangarap.
Naalala niya kung paano nangako si Lawrence noon sa kanya.
Na
