Abala si Alyana sa pag-aayos ng mga folder sa ibabaw ng mesa. Isa-isa niyang inaayos ang mga dokumento ayon sa label ng bawat file. Ngunit kahit abala ang kanyang mga kamay, ang kanyang isip ay nasa ibang bagay.
Kay Brandon.
Ang lalaking lihim niyang hinahangaan kahit hindi niya iyon inaamin sa kahit kanino.
Hindi niya rin alam kung kailan nagsimula iyon. Marahil noong una pa lamang na makita niya ang lalaki sa opisina—seryoso ang mukha, tahimik, ngunit may kakaibang karisma.
Sa kabilang bahagi ng opisina, nakasandal si Brandon sa doorway. Naka-cross ang kanyang mga braso habang pinagmamasdan si Alyana.
“Mag-ingat ka sa mga hinahawakan mo,” sabi niya nang tuwiran. “Baka masira. Hindi naman nakakapit sa kamay mo ang mga iyon.”
Napalingon si Alyana sa kanya.
“Opo, sir,” tugon niya.
N
