Kabanata 27
"Ano na ang balak mo?" tanong ni Kinro habang pabalik sila ng kwadra.
Kanina pa hindi nagsasalita si Peter at tila malalim ang iniisip. Hindi naman siya makausap ni Kinro dahil alam niyang iniisip pa rin nito ang tungkol sa sinabi ng dalaga.
Wala pa silang ebidensiya na nagsasabi nga si Sphere nang totoo. Pero kilala ni Peter ang kapatid ni Chronos. Tuso ito at walang awa kahit na mukhang palangiti at palakaibigan. Ganoon niya dinisenyo ang lalaki kaya alam na alam niyang posible ang sinabi ng dalaga.
Pero dahil wala silang ebidensiya, wala pa silang magagawa sa ngayon. Wala pang ebidensiya si Peter na may balak nga itong sakupin ang isla ng mga mortal. Hindi pa niya maaaring ipakita sa lahat ang ebidensiya na pinagpagurang makalap ni Prinsipe Chronos nitong mga nakaraang
