Kabanata 31
Nakatulala si Peter habang nakatingin mula sa malayo. Nasa balkonahe siya ng kaniyang silid kung saan tanaw ang malawak na karagatan ng Frigos. May ilang mga puno rin sa paligid bago makarating sa karagatan. Bahagyang nakataas ang kinatatayuan ng kaniyang kastilyo kaya naman kita niya halos lahat ng nasa malayo.
Kung normal na araw lang ito ay baka sinulit na niya ang ganda ng paligid at ang malamig na simoy ng hangin. Ngunit dahil maraming nangyayari na hindi niya maintindihan ay hindi niya magawa. Gusto niyang magsaya gaya ng kaniyang plano, saka na isipin ang pagkuha sa trono na dapat ay sa kaniya, pero hindi niya kaya.
Alam niyang hindi magiging sapat ang ilang buwan na natitira para mapabagsak na ngayon si Churchill. Kailangan niyang magplano. Kailangan niyang gumawa ng
