Six months later
“Mauna na kayong lumabas. Susunod na lang ako,” ani Vivienne kina Khrysstyna at Kaye. Kasalukuyang inaayos ng stylist ang kanyang belo.
“Ah, hindi. Hihintayin ka namin. Ayaw na naming maulit ang nangyari dati na may kumidnap sa iyo noong nakaalis kami. Hindi ba, Kaye?” sabi ni Khrystynna.
“Oo, nga naman. Baka masalisihan ulit kami,” tumangong sagot naman ni Kaye.
Tumaas ang kilay ni Vivienne sa sinabi ng mga ito.
“Besides, hindi naman kami kasali sa entourage mo. Kaya di namin kailangang mauna sa venue. Kami ang mag-e-escort sa iyo paglabas mo dito sa kuwarto,” dagdag pa ni Khrysstynna.
“Okay, bahala kayo,” napangiting sagot ni Vivienne.
Habang abala ang stylist sa pag-aayos
