INAKBAYAN ni Railey si Vivienne. "Kawawa naman ang liefje ko. Pasensiya ka na. Kailangan lang nating matapos ang paggo-grocery para makauwi din tayo agad. Saka ikaw naman kasi ang tagal mong pumili ng mga gamit mo kanina."
Inirapan niya ito. "Oo na. Kasalanan ko na ang lahat," saad niya saka sinimangutan ito.
Pinisil ni Railey ang tungki ng ilong niya. "Ooops, huwag ka ng magalit. Nagbibiro lang ako. Halika na. Kumain na lang tayo para mawala iyang galit mo. Ano nga pala ang gusto mong kainin?" pag-iiba nito sa usapan.
"Bahala ka na nga. Ikaw naman ang magbabayad, eh." Walang kagana-ganang sagot niya. Inalis din niya ang kamay nitong nakapatong sa balikat niya.
Napakamot ng ulo si Railey. "Huwag ka namang ganyan. Maayos naman akong nagtatanong, ah."
Pinaikot niya ang mga mata. "Basta
