Chapter Twenty Five
Araw-araw na sinisilip ni Quinn ang dating bahay ng pamilyang kumupkop sa kanya. Umaasa siya na baka sakali ay makausap niya ang ina-inahan. At ngayong araw ay sinwerte siya dahil kasalukuyang nasa garden ang Mommy Thet niya. Tinawag niya ito. Mahigpit pa ang hawak niya sa kamay ng anak na si Terrence dahil kasama niya ito sa mga lakad niya nitong mga nakaraang araw habang nasa Maynila silang dalawa.
"Mommy Thet," tawag niya muli.
Kaagad naman nitong hinanap ang boses na tumawag. Tila nagulat pa ito nang makita siya.
"Nini?" Hindi makapaniwalang sambit nito.
"Mommy. Sorry," umiiyak na sabi kaagad ni Quinn kahit hindi pa man ito nakakalapit.
Kaagad naman itong nagtungo sa gate. Binuksan nito ang gate at kaagad na lumapit kay Quinn. Niyakap niya ito at hinalikan sa
