IKALAWANG araw na ngayon ng leave ni Paraluman.
Paggising nilang mag-ina ng umagang iyon ay nagluto sila ng agahan. Hinayaan niya si Peri na tulungan siyang batilin ang itlog kahit medyo nahihirapan ito sa paghawak ng tinidor. Sobrang focus nito sa ginagawa habang nagsasalubong ang maganda nitong kilay dahil natatapon ang itlog sa mesa.
"Ayan, ako na siguro yan, anak.."
"Hindi nanay, nihahalo ko pa ng maayos." sambit nito na hindi parin tumitigil sa paghalo. Sobrang dahan-dahan ang ginagawa nito kaya napangisi siya dahil alam niyang naiinis na ito.
Pero hinayaan niya parin si Peri hanggang sa mahalo na nito lahat at unti-unti nang gumuhit ang malaking ngiti sa labi nito.
"Wow! Ang galing-galing naman ng bebe na yan!"
Nakipag high-five pa ito sa kanya at proud na proud na nahalo
