"Why are you up so early?"
Kasalukuyan siyang nagpapalaman ng sandwich nang pumasok si Lorenzo sa kusina.
"Okay ka na?"
"Oo. Nadala sa pahinga. Ikaw, bakit ang aga mong bumangon?"
Habang naghuhugas ito ng kamay sa sink ay patago niyang pinasadahan ng tingin ang kabuuan ni Lorenzo. Hindi pa nakapaligo, sa katunayan ay disheveled pa ang buhok nito ngunit parang ang presko pa rin nitong tingnan.
"Nakita kitang lumabas ng silid so I thought na samahan ka and have a little chitchat with you."
Chitchat. Hindi sila ang tipong nagkikwentuhan na lang basta.
"I can be your assistant if you want," anitong nagpapahid ng kamay at umupo ito sa mismong tapat niya, sa isa sa mga high chairs sa harap ng isaland counter kung saan siya gumagawa ng sandwiches.
"Konti lang naman ito."
"I insist."
"Hu
