Kabanata Dalawampu’t Siyam
Sinet up ni Marcus ang mga pinamili. At nang mailatag na niya ang mga pagkain sa lamesa ng opisina ni Victoria ay kinuha niya dito si Aliana.
"Ikaw muna ang kumain. Ako muna kay Aliana," sabi nito.
"Sure ka?" tanong niya rito.
Tumango naman ito kaya dahan dahan niyang ipinasa kay Marcus si Aliana. Magana siyang kumain dahil paborito niya ang dala nitong ulam. Kung bakit nito alam ang paborito niya? Hindi rin niya alam. Baka nga totoong magkakilala sila noon bago siya mapulot sa gitna ng dagat. Pero ayaw na niyang isipin ang bagay na hindi niya naman naaalala.
"Salamat dito ha? Galing ng timing mo. The best ka," sabi niya rito.
"Huwag mo na akong bolahin. Basta kumain ka nang madami, masaya na ako," tugon nito sa kanya.
Ngiti lang naman ang isinagot niya
