"Mukhang maganda ata ang gising mo ngayon ah?" tanong ng ina ni Luis ng makababa siya sa may hapag kainan.
"Palagi naman hong maganda ang gising ko." ngiting sagot naman niya habang paupo sa silya. Maganda ang gising nito sapagkat naipagtapat na niya kay Angela ang kinikimkim na pagmamahal nito sa kanya, at dagdag pa sa kasiyahan ang malamang mahal din siya nito.
Habang kumukuha ng pagkain ay napansin ng ina ang kamao nito.
"Oh anong nangyari diyan?"
"Wala Ma, napaaway lang kagabi pero ayos na." pasinungaling niya.
"Kailan ka pa naging basagulero huh Luis?" sermon ng ama.
Hindi na lang siya umimik. Sinimulan na lang niyang kumain.
"Nasaan ang asawa mo? Bakit hindi pa bumababa?" tanong ng ina.
"Naliligo po Ma, may lakad daw sila ni Philip mamaya."
"Mukhang lagi niya kasama si Phili
