“Tiyakin n’yong hindi madadamay ang pangalan ng anak ko rito, kundi pare-pareho kayong mawawalan ng trabaho — at hinding-hindi na kayo makakapagturo kahit sa barangay tutorial center!” singhal ni Mark Casionesa, ang ama ni Macky, habang nakatayo lang ang anak sa likod niya na parang alalay, hindi estudyante na nagagawa pan ngumisi sa mga teacher at dean na nasa loob ng conference na yun.
“Kung hindi n’yo kayang linisin ang kalat ng mga estudyante n'yo, wala kayong karapatang tawaging guro,” dugtong pa ni Mark, sabay hampas sa mesa. Halos tumalon ang school director sa gulat. Gustong magsalita, pero tulad ng lahat ng nasa loob ng silid na yun, mas pinili na lang na huminga nang tahimik para di madamay.
“Inaasahan kong bukas—B.U.K.A.S.—magawan n’yo ng paraan ang problemang ‘yan,” huling b
