Ashley
Nagpatuloy na kami ng biyahe at pagdating namin sa Big Sur ay nandoon na ang dalawang van na sakay ang ibang mga kasamahan namin sa admin department. May mga tagapamahala sa retreat house kaya naman hindi na nila kami hinintay at nagsimula na silang mag-ayos ng kanilang mga gamit at nagpilian ng kani-kaniyang mga silid. Hahanapin ko sana si Ava para magsama sana kami dahil sobrang laki talaga ng retreat house.
“You’ll stay in the room next to mine.” napatingin ako kay Carl dahil hindi ko inaasahan na sasabihin niya.
“I’ll share with Ava,” sabi ko naman.
“You’ll stay in the room next to mine and that’s final.” sabi din niya tapos ay nauna na siyang lumakad papasok. Ano ba naman yan, iniiwasan ko nga sanang magkasalubong kami tapos magtatabi pa kami ng silid. “Faster, Ashley!” na
