Ilang sandali ang lumipas, napadpad si Kaisha at Xero sa mismong pagawaan ng mga wooden furniture. Karamihan sa mga muwebles ay handcrafted, at kapansin-pansin ang dami ng trabahador kumpara sa nakaraang rotomoulding factory na kanilang pinuntahan.
Tumigil si Kaisha upang pagmasdan ang ginagawa ng mga manggagawa. Maraming trabahador ang ngumiti sa kanya, at siya’y ngumiti rin pabalik.
“Magandang umaga po, Sir, Ma’am…” bati ng isang binatilyo na abala sa kanyang ginagawa.
“Magandang umaga,” sagot ni Kaisha habang itinuon ang pansin sa ginagawang lamesa ng binatilyo.
Samantala, si Xero naman ay humawak sa baywang ni Kaisha. Ramdam niya ang gaspang ng kamay nito sa kanyang balat sa pagitan ng kanyang tube top at mini skirt. Napaangat si Kaisha ng tingin sa braso ni Xero na mahigpit ang pa
