CHAPTER 15: WENDY PRIME
ITINULAK ako ni Samuel nang mag- umpisang kumilos si Elixir para atakihin siya bitbit ang matalas na espadang inabot sa kaniya ni Daro. Tumama ako sa maraming barrel sa sulok saka nag- aalalang pinanood ko ang naging paglalaban nila.
“Enjoy watching, Prime.” Ani Daro nang magtama ang tingin namin, “Umpisahan mo na rin magdasal dahil nakasalalay diyan ang susunod na tadhana mo,” aniya saka tumawa na para bang nagbitaw siya ng nakakatawang biro.
Umaatake si Elixir at sinusugod si Samuel samantalang ang isa ay puro salag lang, pag- iwas at pag- atras ang ginagawa gamit ang hawak na espada. Bayolente at marahas ang bawat galaw ni Elixir, sa hitsura niya ngayon ay halatang- halata na gusto niya talagang manalo, tila binubuhos ang matagal nang nakakimkim na galit sa ka
