Ilang minuto pa ang lumipas nang makaalis na si LV ay iinot-inot nang tumayo si Chanel mula sa sofa upang magtungo sa silid nito at kunin ang USB na naglalaman ng kanyang mga nakaraang movies na ipinangako nito sa kanyang ida-download upang i-marathon nilang dalawa iyon kapag wala silang ginagawa. Pangtanggal na rin nila iyon ng stress na dalawa, hindi pa rin matatawaran ang sayang nakarehistro sa mukha ni Chanel habang pinapanood at binabalikan ang mga pelikula niyang iyon. Buhay na buhay pa sa kanyang balintataw ang pakiramdam niya at mga naging karanasan habang shino-shooting sila. Kung pwede nga lang din ay nais niya sana iyong balikan, ngunit sadyang inilalayo yata siya doon ng Tadhana. Pilit itinataboy ng malakas na ihip ng hangin sa kabilang banda. At wala siya doong magawa kung hin
