Malakas at mabilis nang tinambol ang dibdib ni Chanel ng mga sandaling iyon, buong buhay niya ay noon lamang siya kinabahan nang ganoon at iyon ay nang dahil sa boses pa lang ng ina ng kanyang kasintahan. Matapang siya at matatag siya ngunit hindi niya maintindihan ang kanyang sarili ng mga sandaling iyon kung bakit bigla na lang naglaho ang tapang niya. Tila ba tinangay na ng hangin iyon at sumama sa kanyang patuloy pang lumalalim na paghinga. Noon niya lang din naramdaman ang panic attack na ni minsan ay hindi niya naranasan. Para bang ang tinig ng ina ni LV sa kanya ay malakas na dagundong ng kulog sa gitna ng nagngangalit na madilim na kalangitan. Diklap ng matalim na kidlat na nagpapatigil pansamantala at ilang segundong t***k ng kanyang puso. Mabilis na namasa ang bawat sulok ng kany
