Palakad-lakad na nagpabalik-balik si LV sa harapan ng emergency room ng hospital. Hindi maiawasang magbalik sa kanyang isipan ang mga nangyari noon sa kanyang kasintahan sa Real Quezon nang dahil sa kagagawan ng kanyang dating kasintahan at ng kanyang sariling ina. Tila naulit lang ang pangyayaring iyon ngayon at siya na mismo ang may kasalanan at hindi nag kung sinuman. Natuyo na ang guhit ng kanyang mga luha sa kanyang mukha, ngunit kababakasan pa rin iyon nang labis niyang kalungkutan ngayon.
“Lord please, not this time again.” paulit-ulit niyang hiling at pakiusap na kulang na lang ay lumuhod doon, “Hindi na po niya iyon kakayanin, hindi na po namin kakayanin pa.”
Nang makita niya ang sitwasyon nito ay hindi na siya nagdalawang isip pa na itakbo ito ng hospital kahit na nawala
