Ready na ako sa pag-alis. Hinihintay ko na lang na dumating si Kuya. Nasa meeting pa ito for sure kaya wala pa.
Sumilip ako sa terrace upang tingnan kung may tao na ba sa kabila. Hindi na muling nag-update si Gavin kung nasaan na siya pagkatapos nilang kumain sa cafeteria kanina. Wala na ring sinend na pictures si Reed.
Madilim pa. Mukhang wala pang tao.
Ayaw ko namang magtanong kung nasaan na siya baka maging demanding naman. Sino ba naman ako para magtanong?
Hinanda ko na lang din ang camomile tea at lavander tea para kay Gavin. Mahilig ako sa tsa-a kaya marami akong iba’t ibang klase rito. Naglagay ako sa isang microwavable ng iba’t ibang klase ng tsa-a na ibababad na lang sa mainit na tubig. Kung sakaling wala pa si Gavin ay iiwanan ko na lang ito sa harapan ng pintuan niya.
