Chantal
Maaga akong nagising dahil kailangan kong gumayak para sa practice namin ng pagrampa sa swimsuit competition. At base sa napagkwentuhan namin ni Kuya Edison ay sasamahan niya kami ni Cherry sa Club Royal ngayong araw at wala naman daw iyong importanteng gagawin.
Kaya mas kailangan kong bilisan ang pagkilos at naghihintay na rin sa baba ang make-up artist na kinuha ni Cherry para ayusan ako. Nakakahiya naman kay Kuya Edison kung hindi ko gagalingan at mananalo, at doon ko bigla namang naisip si Alexa. Napailing na lang ako pagdaka dahil alam kong walang magandang maidudulot ang pagsali ng babaeng iyon sa pageant na sinalihan ko. Hanggang ngayon ay hindi ko pa rin maintindihan kung bakit ang init ng dugo ng babaeng iyon sa akin sa simula pa lang. Wala naman akong natandaang ginawa
