Chapter 20: Ang Pagbabalik
Zeph's POV
Madaling araw, sa palagay ko ay may alas dos na ng umaga. Oras na mahimbing na ang tulog ng karamihan. Oras na nanamantala ang mga bandido upang makakuha ng ilang mapapakinabangang gamit sa kapit-bahay.
At oras, para sa pagtakas ko...
Pinagplanuhan namin ito ni Zild kanina bago siya umalis, gusto ko ng umalis dito pero alam kong di ko 'yun magagawa ng mag-isa lang ako kaya kailangan ko ng tulong ni Zild. Nakakatawa nga lang dahil siya ang nagdala sakin dito para ikulong, tapos 'yun pala sa huli siya din ang tutulong sakin para makalabas.
Wala akong dala na kahit ano pag-alis ko dahil wala din naman akong dala na kahit ano nang mapunta ako dito kun'di ang aking sarili.
Sa pagpihit ko ng doorknob ay napangisi ako, alam kong hindi talaga ito nakaloc
