Chapter 34: Unexpected
Zild's POV
Matalim ang tingin ko, hindi ko alam kung kanino ba ako dapat magalit. Kay Zephaniah ba o sa lalaking mahal niya. Sa totoo lang, gusto kong mapatay ang lalaking iyon pero alam ko na kahit mapatay ko siya hindi pa din mababaling ang tingin sa akin ni Zeph. At isa pa pala, sino kaya ang lalaking tinutukoy niya?
Pumunta ako sa isang tahimik na lugar dito sa kuta ng Poison Blade, dito ako madalas tumambay lalo na't gusto kong mapag-isa at magbulay-bulay. Napabuntong hininga ako sa biglang pagbalik ni Zeph sa aking isip, masakit na ang ginawa niyang pagtakwil sa akin noon at pagsasalita ng deretsahan na hindi niya ko mahal. Akala ko 'yun na ang pinakamasakit na maaaring mangyari akin, meron pa pala...
"Hindi ikaw ang mahal ko."
Paulit-ulit ang pagsasalita
