MEGAN
MALUNGKOT akong umuwi sa bahay ko sa Quezon City. Tulad ng inaasahan ko, hindi man lang ako nagawang balikan ni Wade. Masamang-masama ang loob ko sa kaniyang hindi ko maintindihan, gusto ko man siya tawagan hindi ko alam kung paano ko gagawin. Alam kong kasama nito si Celine.
Hindi lang ako sasagutin ni Wade kung sakali. Mas lalo lang akong masasaktan at 'yon lang ang mas mahirap kapag mangyari 'yon.
Nahiga ako sa kama ko, hindi naman ako pagod pero pakiramdam ko naubos ang lahat ng enerhiya ko sa katawan.
Ilang beses ko na bang natanong sa sarili ko kung masama ba ako at kailangan kong danasin 'to? Iyon ang gusto kong panindigan, pero bakit! Bakit ako na lang palagi ang nasasaktan?
Mahirap ba talagang maging masaya? Hindi na ba talaga ako pweding maging masaya pa?
Magmamaha
