BITBIT ni Summer ang tray na may lamang tatlong tasa ng kape na nagtungo siya sa may elevator. Ayaw niyang maghagdan dahil sa ingat at bagal niyang maglakad para maiwasan na matapon ang kape, baka nasa ikalawang palapag pa lang siya ay nakauwi na ang ama at bayaw ni Colton.
Nang nasa tapat na siya nang elevator ay naghanap muna siya nang puwede niyang mapatungan nitong tray na dala niya para magaw niyang pindutin iyong button pabukas no’ng elevator. Ngunit bago pa man niya iyon magawa nang biglang sumulpot si Kristoffer at ito na ang pumindot ng button sa gilid ng elevator.
Hindi na lang siya umimik at nang bumukas ang pinto ng elevator ay agad siyang pumasok sa loob pero agad din na natigilan nang pumasok din ito.
“What are you doing?” hindi na niya napigilang tanong dito.
“Papunta r
