“Luna!”
Napalingon si Luna nang marinig ang tinig ng Mommy niya. Nakita niya itong hila-hila pataas ang suot na bestida habang naglalakad palapit sa kaniya. Nagmukha itong bata sa edad na cuarenta-y-sinco dahil sa ayos ng buhok nitong naka-french bun, at sa kaunting make-up.
“Let’s go? Pupunta pa tayo sa mga lolo at lola mo, they are celebrating with us,” anito nang makalapit.
“Susunod na ako, ‘My. May dadaanan lang po ako.”
“Okay, hihintayin ka namin sa kotse. H’wag kang magtagal at mukhang bubuhos ang malakas na ulan,” sabi pa ng mommy niya bago tumalikod at naglakad pabalik sa parking area ng campus.
It was her graduation from senior year held at the campus stadium. Marami ang mga pamilya ng mga estudyanteng nagtapos ang nagpunta para dumalo, kabilang na ang sa kaniya.
Both of h
