NAKABABA na sa kanto si Corey nang marinig niya ang tunog ng sasakyan ng bumbero at tila nagkakagulong mga tao. Kakauwi niya lang galing Shoppe. May nakasalubong pa siya na isang Ale na nagmamadali bitbit ang mga gamit nito at kasama ang anak, "Manang, ano hong meron?" Nilakasan niya ang boses niya dahil sa ingay ng paligid.
"Naku ineng, may sunog sa loob ng subdivision!" Iyon lang at nagmamadali nang umalis ang matanda. Sa taranta niya, hindi na niya nagawang tawagan sa cellphone ang ina. Inatake siya ng kaba. Alam niyang nasa bahay na ang ina dahil alas nuwebe na ng gabi.
Inawat siya ng guard ng subdivision na huwag nang pumasok, pero sa pamimilit niya'y wala na itong nagawa. Lakad takbo ang ginawa niya upang makarating agad sa bahay nila. Gayon na lamang ang panlulumo niya na kasama a
