SIMPLENG KASAL lamang ang dinaos sa pamimilit na rin ni Corey. Taliwas sa gusto ng magulang ni Johann at ng Mama niya. Gusto ng mga ito ng isang malaki at engrandeng church wedding. Though, sa simbahan din naman sila nagpakasal ni Johann iyon nga lang ay sa maliit na chapel iyon ginanap. Mabilis na naiproseso ang kasal nila pagka't maraming kakilala si Tito Manuel na makakatulong sakanila ni Johann.
"Ma, Pa, mauna na ako ha? Si Alynna kasi tumawag, nakalimutan kong may dinner date nga pala kami with her parents." Paalam ni Paul pagkatapos ng misa.
Nakakaunawang tumango naman ang magulang. "Sige, walang problema. Magpaalam ka sa Kuya mo at kay Corey." Ani Tito Manuel. Bumaling ang tingin sakanila ni Paul. "Paano ba 'yan, Kuya? Hindi na ako makakasama pa sa reception niyo." Ani Paul
"It's
