Trisha's POV
Nagising ako sa isang puting kuwarto. Na sa hospital ako, 'yan agad ang naisip ko nang makita ko ang mga nasa paligid ko. Idagdag mo pa ang masangsang na amoy ng sanitizer.
Dahan-dahan akong bumangon at umupo sa kama. Bigla akong nakaramdam ng hilo dahil sa biglaan kong pagbangon. "H'wag ka munang bumangon. Magpahinga ka muna." hindi ko alam na may kasama pala ako sa loov ng kuwarto kung hindi pa siya nagsalita.
Tumayo si Rex mula sa sofa at lumapit sa akin. Hindi ako sumunod sa sinabi niya at nanatili lang akong nakaupo. "Anong nararamdaman mo? Sandali tatawagin ko si Doc." tangkang aalis na siya ng hawakan ko ang kanyang braso.
"Salamat. Hindi mo na dapat ako dinala dito. Naabala ka pa tuloy." pag amin ko.
"Shh. Kahit kailan hindi ka naging abala para sa aki
