26th Sale
[Sydney’s POV]
“Sydney, pakiabot naman ng kanin.”
Kinuha ko ang plato ng kanin at ibinigay kay mama, nagsandok sya at inilagay sa plato ni papa. Hindi pa rin sya nagbabago, sobrang maalaga pa din. Isa sila sa mga patunay na mayroong happy ending para sa mga taong tunay na nagmamahalan.
Ganito lang kasimple ang pangarap ko. Kahit walang malaking mansyon, basta kasama ko ang lalaking mahal ko tsaka ang mga anak namin at masaya kami, ayos na ko dun. Hindi na ko hihiling ng higit pa.
Pero may konting pagbabagong naganap. Umiikot na ang mundo sa pera. Pera na ngayon ang kumu-kontrol sa mundo. Kahit ako, hindi ko maitatangging ayaw ko sa pera. Dahil sa panahon ngayon, hindi tatagal ang buhay mo kung wala kang pera. Kahit gaano pa kalakas, kung wala ka nito, matitiba
