Bato ba ang puso niya? Akala ko ba'y kakampi niya ako rito? Akala ko ba may tutuparin kaming plano? Fake fiance lang? Wow?
Sumisinghal ako habang tinatahak ang pasilyo. Ni hindi ko nga alam kung saan na ako patungo ngayon. Hinahayaan ko na lang ang mga paa ko basta’t makalayo lang rito. Hindi ko yata kakayanin kung ipipilit ko pa ang sarili sa kwartong iyon. Ang galing-galing naman niya mag-invalidate gayong pumayag na nga akong tulungan siya.
Habang humahakbang pababa ng hagdan, biglang may humablot sa aking kamay. Sa bilis nito ay nagpatianod ako nang hindi ko namamalayan. Literal akong nawalan ng lakas at ng pagkakataon upang magpumiglas. Ang alam ko lang ay hindi si Trivo ang gumagawa sa akin nito ngayon, kundi si Trino.
Tuloy-tuloy ang agos ng luha ko nang maisara niya an
