NAKASIMANGOT na asawa ang bumungad sa kanya mula ng makauwi siya galing sa bukid. Maaga kasi siyang nagpunta sa bukid para tignan kung kailangan ng patubig ang pananim nilang palay. Tapos dumaan din siya sa anak niya para kamustahin ito.
Nasabi na din niya sa mga kapatid niya na kasama na niya ulit si Rhiane. Nang marinig nga ng anak niya na kasama na niya ang nanay nito gusto nan g anak niya umuwi sa bahay niya.
Mahabang pakiusapan pa ang ginawa niya para lang mapapayag ang anak niyang wag na munang sumama sa kanya.
"Saan ka galing?"nakasimangot na tanong sa kanya ni Rhiane.
Tinignan lang niya ito at nilagpasan. Sabado ngayon, kaya walang ginagawa si Rhiane, pero sabagay wala talagang ginagawa si Rhiane. Dahil una sa lahat ayaw din naman niyang may gawin pa si Rhiane kaya nga nagpapak
