"A-ann... Sigurado ka na ba talaga?" malungkot na tanong ni Wilma kay Ann habang nakatingin sa walang buhay na mga mata ng babae. Nakaupo si Ann sa kama nito at inaayos ang mga gamit nito dahil bukas na ang byahe nito pauwi sa city kung saan ang totoong tirahan nito.
Kahapon lang ni Wilma narinig mula sa Lolo ni Ann na uuwi na ang babae at hindi na babalik pa. Noong una ay hindi siya naniwala. Pero noong nakita niya ang mga papeles ni Ann kung saan lilipat na ito ng paaralan, doon lang siya naniwala. Alam ni Wilma ang nangyari sa mama ni Ann. Pero hindi niya inaakala na aalis ang babae at hindi na ulit babalik pa.
Wala siyang ka alam-alam na sa mga araw na pumapasok sila ni Ann sa paaralan ay palihim na pala na inaayos ng babae ang mga papeles nito. Totoo nga talaga na aalis na ang bab
