“Why don’t you try to swim, Raine? Ang ganda ng dagat,” sabi sa akin ni Tita. She said na tita na lang daw kasi baka nahihiya pa ako kaya iyon na lang din ang tawag ko. Tumingin ako sa mga taong nasa dagat na. Kadalasan sa mga nandoon ay mga pinsan ni Louis na lalaki.
Nakahiga si Louis sa tabi ko. Naglatag lang siya ng tela sa mga buhangin at pinaupo ako para mahiga rin siya sa kandungan ko. May isang malaking puno naman sa taas na tinatakpan kami sa mainit na araw. Hindi ko nga lang mabilang kung ilang minute na kaming nandito.
Mukhang tulog kasi ang isang ito. Kausap ko ang ina niya kaya hindi ko siya masyadong napagtutuonan ng pansin. “Baka mamaya na po, mainit pa,” sagot ko naman. Nasa kabilang banda lang sina Paula at Janna. Hindi rin sila naligo sa dagat at panay lang ang picture.
