“Matutulog na sana kami kasi alam namin na gagabihin ang mga bata dahil nagpaalam sa amin si Cale na pupunta raw sila sa kabilang isla,” simula ni Mang Pedring habang nakaharap sa mga pulis. Matapos ang dalawang araw ay nagising na rin ito ngunit hindi pa ang asawa nito.
Nang binigyan ng permiso ng doctor, agad na kinunan ng statement ng mga pulis si Mang Pedring. Si PO3 Gonzale mismo ang nasa harapan nila at nagi-interview sa matanda.
“May kumatok. Akala namin si Cale at Zaza na. Pero mga armadong kalalakihan ang nabungaran naming sa pintuan. Tinulak kami papasok at hinalungkat ang buong kabahayan. Tinutukan nila kami ng baril at pilit na hinahanap sa amin ang dalawa.” Tumuon ang mata sa kanila ng matanda.
“Umalis na kayo sa Islang ito,” bakas ang pa
