Dahil nagpupumiglas si Emerald ay nagpasya na ang matanda na talian na rin ang mga paa nito at busalan ang bibig. Ang totoo kasi ay kahit nakatali na ang mga kamay ng babae kanina ay hindi pa rin ito makalapit dito. Malakas si Emerald at handa talagang lumaban ano man ang mangyari.
Samantala… Sa bahay ni Gold Salazar.
“I think we found the location,” saad ni Copper nang ibaba ang telepono. Kakakausap lang nito sa isang tauhan na siyang nakapagsabing namataan daw sa isang liblib na lugar ang sasakyan ni Emerald. May ilan din daw nakitang sasakyan na nakaparada doon at sigurado ang mga tauhan nitong nandoon lang din ang babae.
Agad na inalam ni Gold ang kinaroroonan ni Emerald. Mabilis na pinlano nila kung ano ang dapat gawin. Wala pang tatlumpong minuto ay sumugod na ang mga ito sa lok
