Habang nakaabang si Gold Salazar sa labas ng club, sa sariling sasakyan nito noong madaling araw na iyon ng Linggo upang makita ulit si Malaya ay tila nagulat ito sa biglang pagdating ng isang ambulansya na pumarada mismo sa harapan ng entrance ng tinatambayan na establisyemento. Agad itong nagtaka kung bakit tila nagkakagulo ang mga tao sa loob ng club nang silipin nito ang de-salamin na malaking pintuan nito. Maya maya ay lumabas doon ang isang lalaking may buhat buhat na babae sa mga bisig nito na mabilis na ipinasok iyon sa loob ng emergency vehicle na pagkaraan lang din ng ilang minuto ay humarurot na sa pagtakbo pagkatapos.
Lumabas siya sa kanyang sasakyan upang makiusyoso sa mga taong lumalabas mula roon. At isang lalaki nga ang nakausap nito ang nagbigay ng impormasyon kung ano ta
