LUIZ’s POV
Alanganin na para magluto pa kami ng aming uulamin ngayong lunch. Kaya minabuti kong bumili na lang ng lutong ulam. May nakita akong tindahan ng lechon manok. Tamang-tama, ito na lang dahil paborito ito ni Jessica. Narinig ko lang iyon mula kay Kuya Marlon.
Nakakahiyang magtanong kay Jessica tungkol sa mga bagay na paborito niya. Kailangan ko lang balikan ang mga panahon na nagkukwento si Kuya Marlon tungkol sa mga bagay-bagay na may kinalaman sa bunso niyang kapatid.
Baka isa sa naging dahilan kung bakit nawala si Jessica sa sarili ay dahil sa mga nabanggit ko kahapon na hindi ko naman sadya. Bigla ko na lang naisip at nasabi. Noon pa nga kasi iyon at bata pa siya. Iba na ngayon.
Bakit niya ako pinisil? Lahat na lang may ibig sabihin sa akin. Baka nagpapasalamat lang siya
