♥ TWENTY EIGHT ♥
IRENE
Naramdaman ko ang paghila sa akin pataas ng ilang tao. Nang tignan ko sina Curtis at Keesha ay bakas ang matindi nilang pag-aalala lalo na nang makita nilang pumapatak ang luha sa aking magkabilang pisngi, sinasabayan ng sariwang dugo mula sa sugat.
"God, I am so sorry. I-I just wanna save her." Dinig kong sabi ng isang pamilyar na tinig.
Nabaling sa direksyon ni Tina ang tingin ko. Hawak siya ni Baron sa kanyang braso. May galos sa kanyang siko at binti dala ng pagbagsak niya ngunit kita ko ang pag-aalala niya para sa akin.
Naiinis ako. Bakit niya ako kailangang kaawaan? Bakit kailangan kong makita ang isang emosyong hindi dapat niya nararamdaman para sa akin?
Pero mas naiinis ako sa sarili ko...kasi alam kong nararamdaman ko 'to dahil siya na ang bagong babae
