Thamara
PADILIM na nang makauwi kami ni Zkat mula sa trabaho. Sumama ako sa kaniya sa pagbisita niya sa mga site, umabot ng tatlong site ang nabisita namin, puro iyon malalaking commercial building kaya naman hindi pwedeng basta lang kaming sumilip, talagang nilibot namin ang bawat site kasama ang mga engineer at architect.
Itinuro rin sa 'kin ni Zkat kung saan ang target na gusaling gustong pagtayuan ni Jenny Ahbigael ng bagong branch ng restaurant nito. Kapag natapos ang pagpapagawa no'n ay si Jenny Ahbigael daw agad ang uukupa.
Bumalik muna kami sa ZAL Company bago kami umuwi sa condo, naabutan pa kami ng matinding traffic kaya hindi na kinaya pang magluto ng haponan at napagkasunduan na lang naming um-order sa restaurant ng kapatid niya.
"Gutom na gutom ako," reklamo niya habang bi
