Thamara
PAGKATAPOS naming kumain sa Sunshine's Morning Restaurant, agad kaming nagdesisyon na pumunta sa mall para mag-shopping. Hindi rin kami magtatagal sa mall, hindi rin naman kasi talaga ako ang klase ng tao na nahilig sa pamimili ng mga damit, sapatos o kung ano pa man, kapag magkasama nga kami ni Thalia ay hindi talaga ako bumibili kung hindi naman talaga kailangan, si Thalia na ang pumipili ng damit para sa 'kin.
Sa huli, napunta lang din kami sa mga gamit ng baby kung saan nagkaroon ako ng interes na pumili.
"Thamara, tingnan mo 'to."
Agad kong itinigil ang pagtitingin ko sa mga damit nang tawagin niya ako. Hawak-hawak niya ang isang puting baby dress sa kanan at isang parang maliit na barong sa kaliwa.
"Pangbinyag," nakangising aniya.
Natawa ako nang bahagya at hinaplos ko
