Sandrynne's POV
Hindi ko alam kung tatanggapin ko ba ang kamay niya o hindi. Parang bigla kasi akong nainis. Pinagkadiin-diin niya pa talaga ang salitang girlfriend na akala mo inaagaw ko si Harris.
Mukhang naramdaman niyang wala akong balak makipagkamay kaya ibinaba niya na lamang iyon. Napangiti pa siya nang bahagya pero sa tingin ko ay ginawa niya lang iyon para hindi mahalata ang kaniyang pagkapahiya.
"Totoo ba 'yang sinasabi mo?" Sumeryoso si Honey at hindi rin makapaniwala. "Girlfriend ka ni Harris? Pero bakit wala yata akong alam tungkol sa'yo? Ang alam kong girlfriend n’ya ay si Sandrynne. At kung sakaling nagpapanggap ka lang, please! Mahiya ka naman sa legit na girlfriend!”
"Tara na, Honey." Inabot ko agad ang kamay niya at hinila ko siya palabas ng shop bago pa lumitaw ang
