Tsismis
Simula noong sinabi sa akin ni Kuya na sila na ni Ate Rici ay palagi ko itong namamataang ngumingisi bigla bigla. Kahit kumakain kami, para siyang baliw na iiling habang ngumingisi. Di ko nga alam kung kinikiliti ba siya ng mga pagkaing kinakain niya o iniisip niya si Ate Rici.
Wala akong gaanong ganap tuwing summer. Sila Rinka rin naman kasi ay kapwa rin busy. Si Rose ay may trabaho na inapplayan habang si Cecille naman ay lumuwas sa syudad para bisitahin ang kamag-anak nila kasama ang kanyang mga pamilya ganoon rin si Rinka na may trabaho rin.
Gusto ko rin sanang magtrabaho para makatulong kay Mama at sa mga gastusin dito pero ayaw naman nila akong payagan ni Kuya. Nairaraos naman daw kami noong pagtitinda niya ng bulaklak at si Kuya na may trabaho rin ay nakakadagdag rin na
