TIME FLIES so fast. Parang kailan lang noong five months pa lang ang tiyan niya, ngayon walong buwan na ito at sa isang linggo na lamang ay kabuwanan na niya. Wala sa sariling napahawak siya sa napakalaking umbok ng tiyan niya. Nitong mga huling buwan ay hirap na hirap na siyang huminga at pakiramdam niya parang anumang sandali ay puputok ang tiyan niya sa laki niyon. Dumoble ang lakas niyang kumain. Halos maubos niya lagi ang kanin sa rice cooker at wala nang makain na ulam si Jayden. Mabuti na lamang, pinagbibigyan siya at mahaba ang pasensya sakanya ng asawa. Napakamoody din niya at kaunting pangungulit lang nito'y inis na inis na agad siya.
Mayroon ngang pagkakataon habang natutulog sila ng asawa ay nakaramdam siya ng pagkaalinsangan. Katabi niya ang asawa at mahimbing na itong natutu
