Sa bahay nila sa Laoag siya dumiretso. Mahirap na kapag nalaman ng mama o ni Francis na hindi naman siya natulog sa bahay ng mommy at daddy. Kagaya ng dati, sa silid niya pa rin siya namalagi. Walang nagbago sa silid niya. Kahit kay Lorraine na may asawa na rin. Sa kanilang magkakapatid, tanging ang bunsong kapatid na si Rocky na lang ang nakatira sa bahay.
“Uuwi ka rin kaagad bukas?”
“Yes, ‘My. Pagkagaling ko sa lunch naming magpipinsan.”
Sumubo siya ng bagnet at uminom ng juice. Talagang gutom siya sa biyahe at na-miss niya ang luto ng mommy niya.
“Sana, isinama mo si Noah,” ang mommy na dinagdagan pa ng kanin ang plato niya.
“May camp po.”
“Si Francis?”
“Out of the country.”
Naupo ang mommy niya sa katapat na silya. “Kawawa naman ang manugang ko. Naiwan sa kanya ang lahat ng res
