┈┈┈┈◦•✩•◦┈┈┈┈
Napakaraming pulis sa bakuran ng mga Montefalcon nang dumating ang grupo nina Marcus, Orion, at ang grupo nina Silas. Ang mga kamag-anak din nila Vinz ay dumating, at lahat sila ay nakikiramay sa nangyari sa mga magulang ng pinsan ni Arquiz. Si Ynah at Arquiz naman ay panay ang lingon, hindi makapaniwala sa mga nakikita nila. Nagkalat ang mga dugo sa sahig, kaya alam nila na maraming buhay ang nasawi sa lugar na 'yon. Mas lalo tuloy nakaramdam ng matinding takot si Ynah na baka kung ano na ang nangyayari ngayon sa kanyang mga mahal sa buhay. Mas lalo ng gumuho ang kanyang mundo dahil sa mga nakikita niya ngayon.
Sanay siya sa labanan, sanay siyang makakita ng maraming dugo, nang maraming bangkay... pero ngayong ang kanyang mga anak at magulang ang nalalagay sa peligro ay p
